Նոր ձայնային գիրք․ Թոկի կտորը, Գի դը Մոպասան

XIX դարի վերջի Նորմանդիան։ Գյուղական տոնավաճառում գյուղացի Օշկոռնը գետնից վերցնում է թոկի մի փոքր կտոր, և այդ աննշան արարքը անսպասելիորեն ծանր կասկածների պատճառ է դառնում։ Պատմության կենտրոնում մարդու հեղինակության փխրունությունը, կանխակալ կարծիքի ուժը և հասարակական դատողության առջև անհատի անզորությունն են։ Մի պատահական մանրուք կարող է փոխել ողջ համայնքի վերաբերմունքը և խախտել սովորական կյանքի ընթացքը։