«Ջոնաթան Լիվինգսթոն անունով ճայը» ամերիկացի գրող Ռիչարդ Բախի նովելն է՝ հրատարակված 1970 թվականին։ Ստեղծագործությունը մի ճայի մասին է, որը սովորում էր կյանքն ու թռիչքը և ձգտում ինքնակատարելագործման։ Ճայ, որը ձանձրացել էր սնունդից և ամենօրյա վեճերից։ Տարված թռչելու կրքով՝ նա տրամադրվում է սովորել թռիչքի մասին ամեն անհնարը, ի վերջո համակերպվելով երամից արտաքսվելու անխուսափելիությանը։