Պարմի Մենաստանը (ֆր.՝ La Chartreuse de Parme), ֆրանսիացի գրող Ստենդալի ամենահայտնի ստեղծագործություններից մեկն է։ Այն տպագրվել է երկու հատորով 1839 թվականին։ Երկրորդ անգամ վերափոխված այն տպագրվել է 1841 թվականին։ Սկզբնական շրջանում գրքի անունը շոշափվում էր միայն որոշ գրական խմբակներում։ Այն առավել հայտնի է դարձել քսաներորդ դարում։ Օնորե դը Բալզակին գրած նամակներից մեկում Ստենդալը բացատրում է, որ գրքի գործողությունների համար ընտրել է իտալական Պարմա քաղաքը, քանի որ համեմատած մյուս քաղաքների այն ամենաանվտանգն էր։ Վեպը ստեղծվել է 52 օրում։