«Պառաված թռիչքներ» պատմվածքի հեղինակը հայ արձակագիր, արտիստ, հեքիաթագիր, բանասիրական գիտությունների թեկնածու, Լ. Շանթի անվան մրցանակի դափնեկիր, դրամատուրգ Էլֆիք Զոհրաբյանն է: Հեղինակն արժանացել է նաև այլ գրական մրցանակների:

Սա մի հուզիչ և առեղծվածային պատմություն է 102 տարեկան ինքնամփոփ, ծեր կնոջ մասին, ում հասարակ էին թվում շրջապատի դատարկ  բամբասանքները: Նրան նույնիսկ չէր հուզում իր խնամակալի անհամբեր սպասումը վերջինիս վախճանին, որի նպատակը ողջ ունեցվածքին տիրանալն էր: Հեղինակը խորհրդավոր կերպով է ներկայացնում ԹՌՉՈՂ կնոջ մտքերն ու հույզերը՝ պատմվածքի ճակատագիրը թողնելով ընթերցողի ձեռքերում: