«Հովիվը» քրիստոնյա հեղինակ Հերմասի հուդայա–քրիստոնեական բնույթի պարականոն երկն է։ Երկը իրենից ներկայացնում է հայտնությունների ժողովածու, որոնք տրվում են հեղինակին երկու երկնային էակների՝ մի պատկառազդու ծեր տիկնոջ և հովվի կերպարանքով հրեշտակի միջոցով։ Գրքի նպատակն է առաջնորդել մարդկանց դեպի զղջումը և սովորեցնել ապրել բարոյական կյանքով և առաքինությամբ։