«Նկարում եմ նապաստակ (location-ծառի տակ)» հայ ժամանակակից գրող, սցենարիստ Արմինե Բոյաջյանի վիպակն է: Այս վիպակը ծնվել է հազար ինը հարյուր ութսուներկու թվականին` հեղինակի հետ: Սա նրա հեքիաթի պրոյեկտումն է թղթին, սա հե´նց նրա հեքիաթն է` մարմնավոր, այն նապաստակը, որ ամենքս նկարել ենք մեր բաժին ծառի տակ: Աչքերը հեղինակինն են. պատմողն ինքն է, բայց դրանք կարող են լինել յուրաքանչյուրինը: Վիպակն ունի հատուկ կառուցվածք: Պատումները բաժանված են ըստ հիշողության տեսակների` հաշվի առնելով նրանց բովանդակությունն ու «ինչպես»-ը: