«Տիկնիկը» լեհ գրող Բոլեսլավ Պրուսի երկրորդ վեպն է։ Դրա առանձին մասերը գրվել են 1887-89 թվականներին և գրքով տպագրվել են 1890 թվականին։ Վեպն իր մեջ ամփոփում է երկու տարբեր պատմություններ։ Առաջինը սկսվում է 1878 թվականից` պատմելով գլխավոր հերոս Ստանիսլավ Վոկոլսկու գործունեության մասին։ Մյուս պատմության մեջ հիշատակվում է Վոկոլսկու ավագ ընկերը՝ Իգնասի Ռզեցկին, և ընթերցողին վերադարձնում է 1848-49 թվականներ։ Բոլեսլավ Պրուսը «Տիկնիկը» գրել է մեծագույն ուշադրություն դարձնելով Վարշավայի արտաքին մանրամասնություններին։ Այդ նկարագրության շնորհիվ հնարավոր էր պատկերացնել այնտեղի բոլոր կառույցները։ Վոկուլսկին իբրև թե ապրել է Կրակովյան արվարձաններ փողոցում, որտեղ նաև գտնվել է նրա խանութը։