Լ. Տոլստոյի «Խոդինկա» պատմվածքում արտացոլվել են Նիկոլայ II–ի թագադրման օրը կատարված ողբերգական իրադարձությունները: Պատմվածքը գրվել է մեկ օրում, բայց նախապատրաստվել է երկար ժամանակ: Տոլստոյը գրառումներ էր անում Օրագրում, կարդում էր հրապարակումներ Խոդինկայի մասին, լսում ականատեսների պատմությունները: Նա ընդգծում էր, որ «այդ իրադարձության հոգեբանությունը շատ բարդ է». տիրող ուրախությունը փոխվում է ողբերգությամբ: Խոդինկա շտապող հերոսը սկզբում երազում էր միայն շահող տոմսի մասին, հետո նա չարանում է և ձգտում դուրս պրծնել ամբոխից: Բայց երեխայի, իսկ հետո Ռինայի փրկությունը նրա հոգում մի նոր, առօրեականից «բարձրացնող» զգացմունք է առաջացնում: