Անտոնիոս և Կլեոպատրա (անգլ.՝ Antony and Cleopatra), Ուիլյամ Շեքսպիրի ողբերգություն հինգ գործողությամբ։ Հիմնված է հռոմեացի զորավար Մարկոս Անտոնիոսի կենսագրության վրա՝ գրված Պլուտարքոսի կողմից։ Ողբերգության գործողությունները տեղի են ունենում մ.թ.ա. I դարում՝ Մարկոս Անտոնիոսի պարթևական պատերազմից մինչև Կլեոպատրայի ինքնասպանությունը մ.թ.ա. 30 թ.։ Առանձնանում է հարուստ լեզվով և պատկերավորությամբ, պատկանում է անգլիացի գրողի լավագույն ստեղծագործությունների թվին։